KIVURUGE WA TANDALE - 2

 

Chombezo : Kivuruge Wa Tandale

Sehemu Ya Pili (2)





Harakaharaka aliwasha simu yale ya bei mbaya ambayo kwa muda wote huo alikuwa ameizima. Nikamuona anavyohangaika, nadhani alikuwa akitafutwa sana kwenye simu.

“Sijui nitamwambia nini baba, sijawahi kukaa nje mpaka usiku mnene kiasi hiki.”

“Kwani wewe bado unaishi na wazazi wako?”

“Ndiyo! Naishi na wazazi, sasa wewe ulikuwa unafikiri naishi na nani?”

“Sasa si unaweza tu kumwambia upo kwenye bethidei ya rafiki yako?”

“Hilo siyo tatizo, ilitakiwa nitoe taarifa mapema, sasa unafikiri saa saba hii naanzaje kuwaeleza kitu kama hicho? Umeniponza Ashrafu, umenisababishia matatizo,” alisema huku akianza kulia. Ilibidi niamke pale kitandani na kumfuata pale alipokuwa amesimama, nikawa najaribu kumtuliza.

“Wewe umeshakuwa mkubwa sasa, hutakiwi kuwahofia wazazi wako kwa kiasi hicho, kwani wao hawajui kwamba wewe umeshakuwa mkubwa?”

“Stop it!” alisema kwa ukali akimaanisha hataki niendelee kuzungumzia suala hilo. Kwa jinsi alivyonibadilikia, sikuwa na namna zaidi ya kumruhusu tu aondoke lakini nilifanya hivyo kwa shingo upande.

Licha ya kazi kubwa iliyofanyika, huwezi kuamini kwamba bado mtandao ulikuwa ukisoma 4G, nikawa najitahidi kujizuia mwenyewe kwa mbinu zangu. Alivaa harakaharaka na muda mfupi baadaye, alikuwa ameshamaliza kila kitu, akanigeukia na kushtushwa na hali niliyokuwa nayo.

“Una matatizo gani?”

“Sina tatizo lolote.”

“Mbona hivyo sasa?”

“Aah! Kawaida tu, kwani kuna tatizo?” nilisema huku na mimi nikijisikia aibu.

“Ashrafu, naomba unisamehe baba, muda umekuwa mbaya sana, sipendi kukuacha na hali kama hii lakini nakuomba uniruhusu, nitatafuta muda mzuri wala usijali,” alisema kwa upole huku akiwa amenikumbatia, akanibusu kimahaba na kwa kiasi fulani, moyo wangu ulikunjuka.

Ilibidi na mimi nivae harakaharaka, nikawa najiuliza sijui itakuwaje maana ilikuwa hatari sana kutembea mtaani kwetu muda kama huo. Nilipiga moyo konde kwamba liwalo na liwe, tukatoka huku nikiwa nimemshikia simu na mkoba wake, safari ya kuelekea barabarani ikaanza.

Kwa bahati nzuri, mpaka tunafika barabarani, hatukuwa tumekutana na vibaka, nikamsimamishia bodaboda. Harakaharaka alipanda, nikamkabidhi vitu vyake na kumpa noti ya shilingi elfu kumi kwa ajili ya nauli, alitaka kukataa lakini nikamshikisha.

Alimuelekeza dereva huyo wa bodaboda sehemu ya kumpeleka na wakaondoka kwa kasi. Kwa usalama wa dereva wa bodaboda na abiria wake, inapofika mida ya usiku mitaa ya kwetu ni lazima mpite kwa kasi kubwa, vinginevyo mnaweza kung’ang’aniwa na vibaka wakaiba mpaka bodaboda.

Hivyo ndivyo alivyofanya yule dereva, ndani ya muda mfupi tu tayari walikuwa wameshatoweka eneo hilo, harakaharaka nikaanza kukatiza vichochoro kurudi nyumbani kupumzika maana muda ulikuwa umeenda sana.

Niliporudi ndani, kutokana na uchovu niliokuwa nao, nilijitupa kitandani na haukupita muda, nilipitiwa na usingizi mzito. Nilipokuja kuzinduka, tayari kulikuwa kumepambazuka, harakaharaka nikaamka na kuelekea bafuni kuoga kwa sababu nilikuwa natakiwa kuwahi kazini.

Saa kumi na mbili na nusu, tayari nilikuwa nimeshamaliza kujiandaa, nikajitazama kwenye kioo kilichokuwa humo ndani kwangu, nikajiridhisha kwamba nilikuwa nimependeza. Hakuna kitu ambacho nilikuwa nakizingatia kama mwonekano wangu hususani mavazi.

Basi nilitoka mpaka kituoni, nikapanda daladala na safari ya kuelekea kazini ikaanza. Ni hapo ndipo nilipopata wazo la kuitazama simu yangu, ilikuwa na ‘missed calls’ nyingi za Nancy, za Madam Bella na za Salma na nyingi zilionekana kuwa ni za usiku uliopita.

Kulikuwa pia na meseji nyingi, ikabidi nianze kusoma moja baada ya nyingine. Madam Bella alikuwa amenitumia meseji eti akinishukuru kwa kilichotokea, akaniambia kama alikuwa amenikosea basi anaomba nimsamehe sana lakini nisimwambie mtu yeyote kuhusu kilichotokea.

Nilijikuta nikitabasamu baada ya kusoma meseji hiyo, nikawa najiuliza sijui nitamtazama vipi usoni nitakapofika kazini. Nikajipa moyo kwamba hakukuwa na chochote kibaya nilichokifanya kwa sababu kama isingekuwa visa vyake alivyonifanyia, pengine nisingefikia uamuzi wa ‘kumuadhibu’ palepale ofisini.

Kulikuwa pia na meseji za Salma na kama kawaida yake yeye alikuwa akilalamika. Aliniambia amenipigia simu mara nyingi lakini sipokei simu zake kwa makusudi, akaenda mbele zaidi kwa ‘kunichana’ kwamba eti nisidhani kama yeye ni mwanamke ‘cheap’ kiasi hicho ila hata mwenyewe haelewi nini kilichotokea mpaka akaniachia nimfaidi.

Yeye ndiye aliyekuwa ametuma meseji nyingi zaidi na kati ya zote alizotuma, zilizojaa lawama kwa nini sipokei simu yake, kwa nini nimeondoka kazini bila kumuaga, kwa nini sijamjulia hali baada ya kufika nyumbani na nyingine nyingi, ni moja tu iliyonifurahisha.

Aliniambia kwamba hakutegemea kama eti kama naweza kumfanya akajihisi kuwa mwanamke aliyekamilika na kujisikia kama vile alivyozoea kusikia kwa wenzake wakisimulia kuhusu raha ya kuangua madafu.

Nilijikuta nimecheka bila mwenyewe kujijua mpaka abiria aliyekuwa amekaa upande wa dirishani, kwenye siti niliyokaa akanigeukia. Kwa aibu, nilijikausha haraka na mimi nikamgeukia, tukatazamana. Nilishtuka sana, sijui ni kwa nini!

Tangu nimepanda daladala, sikuwa nimetulia kiasi kwamba sikupata hata muda wa kujua kwamba kulikuwa na mtu, sikumsalimia yule abiria niliyemkuta kwenye ile siti, wala sikupata hata muda wa kumtazama usoni. Alikuwa ni mwanamke ambaye kwa kumtazama alionesha kwamba lazima atakuwa ni mke wa mtu maana mkononi alikuwa na pete ya ndoa.

Miongoni mwa vitu ambavyo huwa naviogopa, ni wanawake wenye pete za ndoa kwenye vidole vyao, pamoja na utundu wangu wote kuhusu hawa viumbe, nilikuwa mwoga sana wa mali za watu.

“Hujambo!” aliniuliza baada ya kuona nimebaki namkodolea macho.http://deusdeditmahunda.blogspot.com/

“Sijambo, shikamoo!” nilimsalimu salamu ambayo haikuwa ikifanana naye huku nikijaribu kuvaa tabasamu la uongo lililochanganyikana na aibu, nikawa nasubiri nione kama ataitikia kwa sababu japokuwa ni kweli alikuwa na pete kidoleni, hakuwa mkubwa sana kwangu kustahili shikamoo.

Badala ya kujibu salamu yangu, aliachia tabasamu lililoshiba kisha akaweka vizuri ‘headphone’ kwenye masikio yake, akageukia dirishani, akawa anatazama nje, nikabaki na maswali mengi sana.

“Kwa nini anacheka?” nilijiuliza moyoni, nikaamua kuachana naye, nikaigeukia simu yangu na kuendelea kufanya kile nilichokuwa nakifanya. Niliendelea kuangalia meseji nilizotumiwa, nikakutana na ya Nancy na ilionesha ilitumwa kama saa nane hivi za usiku.

“Nimefika salama lakini baba kanigombeza sana, kasema kukikucha ana mazungumzo na mimi,” ilisomeka meseji ya Nancy, nikashusha pumzi ndefu na kuendelea kuangalia meseji nyingine.

Kumbe hiyo alinitumia alipofika tu, nikakutana na nyingine ambazo alikuwa akinisifia sana na kunishukuru kwa nilichomfanyia kwa muda mfupi niliokaa naye, akaniambia japokuwa nimemsababishia ‘msala’ kwa wazazi wake, ataumaliza mwenyewe hilo suala, akaniambia tangu awe na akili zake, hajawahi kukutana na mtu aliyemfanya ajisikie kama alivyojisikia muda aliokuwa na mimi.

Nilijikuta nikitabasamu mwenyewe, sijui nini kilinituma nitazame dirishani, macho yangu yakamfuma yule abiria mwenzangu akiwa ‘bize’ kusoma meseji zangu. Alipoona nimemshtukia, alitabasamu tena na kunitazama usoni. Sasa niligundua ni nini kilichomfanya ashindwe kuitikia salamu yangu na badala yake aishie kutabasamu! Kumbe alikuwa akisoma meseji zangu.

Badala ya kukasirika, nilijikuta nikizidi kujisikia aibu, maana kama alikuwa akinifuatilia kuanzia mwanzo, maana yake ameona yote yaliyoandikwa na Madam Bella, Nancy na Salma, tena yote yakihusu kitu kimoja.

Aliendelea kunitazama usoni huku akiwa ametabasamu, na mimi nikawa nimemkazia macho huku nikijaribu kuzificha hisia za aibu zilizokuwa zimenijaa.

“Unaitwa nani?”

“Mimi?”

“Ndiyo, kwani hapa nazungumza na nani?” aliniuliza huku akizidi kunitazama machoni.”

“Ashrafu!” nilimjibu huku na mimi nikizidi kumtazama usoni.

Tukiwa tunaendelea kutazamana, mara redio iliyokuwa ndani ya gari ilianza kupiga wimbo wa Kivuruge wa Nandy. Kiukweli huu wimbo mimi huwa siupendi, si kwa sababu ni mbaya hapana bali ni kwa sababu mara nyingi wadada walikuwa wakitumia maneno yake kunisimanga.

Nakumbuka wakati naachana na Asnath wa Tabata Segerea baada ya kunifuma nikiwa na shoga yake waliyesoma pamoja, Kuruthum, alinitumia meseji kali sana na mwisho eti akaniandikia ‘dedication’ ya wimbo huo wa Kivuruge (nitaeleza baadaye kwa kina kuhusu mimi na Asnath, jinsi tulivyopendana kabla ya baadaye kuja kuishia kuwa maadui wakubwa).

“Umekuwa kivuruge unavuruga sanaaa...” yule dada aliacha kuzungumza na mimi, eti akawa anaimba kwa mapozi kufuatisha muziki huo kwenye redio, huku akinitazama, tabasamu pana likiwa limechanua kwenye uso wake.

Akiwa anaimba, niligundua kitu kuhusu huyu dada! Kwanza alikuwa na meno meupe sana, yaliyopangika vizuri nakumfanya awe na mvuto wa kipekee. ‘Lipstic’ aliyokuwa amepaka ilizidi kumfanya awe na mvuto sana, nikawa namtazama macho yake, nikagundua kwamba pia yalikuwa mazuri!

Sijui ni pepo au ni kitu gani, nilijikuta nikivutiwa naye sana, hata sauti yake ilikuwa ni ile kavu flani hivi, ambayo huwa napenda sana kuisikia masikioni mwangu, basi nikawa namtazama tu anavyoendelea kuimba huku nikijua kabisa alifanya vile kwa makusudi kama anayenipiga kijembe baada ya kusoma meseji zangu.

“Kumbe unajua kuimba vizuri hivyo, itabidi nikupeleke studio,” nilimchombeza, akacheka sana, tayari tulishafika maana konda alipaza sauti akisema hapo ndiyo mwisho wa gari, abiria wengine wakawa wanateremka lakini mimi nikajikuta nikipata uzito na kubaki nimekaa, naye hakuonesha kuwa na haraka sana, akawa amekaa akiwa ni kama anayenisubiri niinuke ili na yeye ainuke.

Ndani ya muda mfupi tu tayari tulishakuwa tumezoeana f’lani hivi, akili fulani ndani ya kichwa changu ikawa inaniambia ‘jaribu kutupia mistari’.







“Twende basi tushuke jamani,” alisema huku akinigusa begani, nikamgeukia nakumtazama, safari hii tukiwa tumesogeleana sana maana alishaanza kuinuka.

“Mbona unaniangalia hivyo mpaka mwenzako najisikia aibu,” alisema huku akijichekesha, nikaona huo ndiyo muda mzuri wa kutekeleza kile ambacho akili yangu ilikuwa ikinituma sana.

“Wewe ni mzuri sana, hivi mumeo huwa anakusifia kila siku kabla hujatoka nyumbani?” nilimwambia, akacheka kwa nguvu na kwa kuwa abiria wote walikuwa bize kuteremka kwenye gari, hakuna aliyemjali sana, nikasimama, na yeye akasimama kwani tayari abiria walikuwa wamepungua sana ndani ya gari.

“Umejuaje kama nina mume?” aliniambia huku akinitazama kwa macho ya bashasha.

“Mwanamke mrembo kama wewe utakosaje mume?” nilizidi kumchombeza, akazidi kufurahi. Miongoni mwa udhaifu mkubwa wa wanawake, huwa wanapenda sana kusifiwa na wajanja kama sisi tunaojua namna ya kuzifikisha hizo sifa zenyewe kwa staili ya kuchombeza, huwa inakuwa rahisi sana kuwanasa.



Hata mwanamke aweje, ukishaanza kumsifia tu, lazima atafurahi, hicho ndicho kilichotokea kwa mwanamke huyu ambaye kama nilivyoeleza, sikuwahi kumuona sehemu yoyote na asubuhi hiyo ndiyo kwanza tulikuwa tumekutana.

Niliposimama, nilitumia ujanja wa kiume wa kumpisha yeye ndiyo atangulie mbele, lengo langu lilikuwa ni kutaka kumtazama vizuri, hasa kwenye ‘plate numbe’ ambao kiukweli umekuwa ugonjwa sugu unaonisumbua.

Nilijikuta nikijishika mdomo kwa mshangao, kwa kuwa muda wote alikuwa amekaa wala sikuweza kumuona yupoje akisimama lakini kumbe alikuwa na umbo ambalo hakuna mwanaume yeyote aliyekamilika anayeweza kupishana naye halafu asigeuke!

Alikuwa amejaaliwa haswaa, nikazidi kuchanganyikiwa na ile nadhiri niliyokuwa nimejiwekea, ya kukaa mbali na mali za watu ikayeyuka kama bonge la mafuta kwenye kikaango.

“Dah! Shemeji atakuwa anafaidi kinoma, kumbe ndiyo umeumbika kiasi hicho,” nilimchombeza wakati akimalizia kushuka ngazi ya mwisho ya gari, alipokanyaga chini, ule mtikisiko ukasababisha ‘msambwanda’ nao utingishike kwa namna iliyoyapa raha ya kipekee macho yangu.

Alicheka na kunigeukia, akanipiga kakibao kepesi begani, tukawa tunatazama huku aibu za kikekike zikiwa zimemjaa usoni.http://deusdeditmahunda.blogspot.com/

“Wewe umeniuliza mimi jina, mbona wewe hujaniambia unaitwa nani?”

“Hujaniuliza! Kwani unataka kunijua?” aliniuliza huku tabasamu pana likiwa limechanua kwenye uso wake. Nilichokigundua ni kwamba alikuwa anapenda sana kucheka na kufurahi na katika kipengele hicho, Mungu alikuwa amenipa kipaji cha aina yake maana usingeweza kukaa na mimi halafu usitabasamu au kucheka.

Basi aliniambia kwamba anaitwa Ruqaiya au mama Abdul, akaniambia kwamba anasimamia maduka mawili ya simu ya mumewe yaliyopo mtaa wa Aggrey Kariakoo na kwamba muda huo ndiyo alikuwa akienda kazini.

Sikupoteza muda, nilimwambia mimi ni mtaalamu wa masuala ya kompyuta lakini pia nilikuwa na ujuzi wa ‘kuzi-program’ simu, hasa hizi za kisasa zinapotoka kiwandani, akafurahi sana na kuniambia kwamba eti kukutana kwetu ulikuwa ni mpango wa Mungu.

“Naomba namba yako basi bosi!” nilimwambia, akawa mjanja katika hilo, akaniambia kwamba mimi nimtajie ya kwangu halafu yeye atanipigia.

Mbinu hii huwa inatumiwa sana na wanawake wajanja ambapo badala ya kukukatalia kukupa namba, anakwambia wewe ndiyo umpe halafu anazuga kama anaiandika kwenye simu, ukimpa mgongo tu anaifuta na huwezi kumpata tena, hasa katika mazingira kama yale niliyokutana nayo.

Nilimtajia namba yangu, akaiandika kwenye simu yake kisha akaniaga juu kwa juu huku akionesha kuwa na furaha sana, nilishindwa nifanye nini, nikawa namsindikiza kwa macho akitembea kwa maringo.

Alipopotea kabisa kwenye upeo wa macho yangu, harakaharaka na mimi niliendelea na hamsini zangu, nikakata mitaa na muda mfupi baadaye, tayari nilikuwa nimewasili kazini, nikapanda ngazi mpaka juu, wa kwanza kukutana naye alikuwa ni Salma.

Ofisi yetu jinsi ilivyo, unapoingia lazima upitie kwamba mapokezi kusaini kitabu cha mahudhurio kwa hiyo hakukuwa na namna ambayo ningeweza kumkwepa Salma. Aliponiona tu, alinitazama huku tabasamu pana likichanua kwenye uso wake, jambo ambalo siyo kawaida yake.

Kama nilivyoeleza awali, Salma alikuwa na sifa moja kubwa ya kununa muda mwingi na kutoa majibu ya hovyo kwa mtu yeyote hata pale unapomuuliza mambo muhimu ya kikazi.

“Mambo!” nilimsabahi huku na mimi nikijitahidi kuvaa tabasamu la uongo usoni. Hakunijibu zaidi ya kuendelea kujichekeshachekesha mwenyewe pale kwenye kiti cha kuzunguka alichokuwa amekalia.

Nilipomaliza kusaini, wakati nataka kwenda ofisini kwangu kuendelea na majukumu yangu, aliniita kwa jina langu halisi, nikamgeukia maana tayri nilishampa kisogo.

“Kwa hiyo unadhani ukipokea simu zangu nitanenepa sana au?” alisema huku akitoa bahasha kubwa aliyokuwa ameiweka chini ya meza yake. Nikiwa bado sijui nimjibu nini, alinikabidhi na kuniambia kwamba eti hiyo ni zawadi yangu, nikatabasamu na kumshukuru huku nikiwa na shauku ya kutaka kujua ndani yake kuna nini.

“Na ole wako usiwe unapokea tena simu zangu,” alisema huku akionesha dhahiri jinsi alivyokuwa na furaha ndani ya moyo wake.

Niliingia ofisini na kitu cha kwanza ilikuwa ni kufungua bahasha hiyo, nikajikuta natabasamu mwenyewe kwa furaha, alikuwa ameninunulia zawadi ya ‘boksa’ za kiume nzuri, ambazo eti alikuwa amezipulizia pafyumu yake anayojipulizia kila siku.

Nilichukua simu yangu na kumtumia meseji ya kumshukuru, hakujibu kwa wakati, ikabidi nianze kazi kwa sababu nilikuwa na majukumu mengi siku hiyo. Kuna kompyuta kadhaa za ofisi zilikuwa na matatizo na ilikuwa ni lazima nizitengeneze asubuhi hiyo ili kazi ziendelee.

Mara simu yangu ya mkononi ilianza kuita, kutazama namba ya mpigaji, nilishtuka kidogo baada ya kugundua kwamba ni bosi ndiyo alikuwa akinipigia, harakaharaka nikapokea.

“Shikamoo bosi,” nilimsalimia kwa adabu.

“Si nishakwambia hizo shikamoo zako sizitaki, una udogo gani wa kunipa shikamoo, unataka kunizeesha bure! Njoo ofisini kwangu haraka,” alisema Madam Bella kisha akakata simu. Harakaharaka nikaacha kila nilichokuwa nakifanya na kutoka kuelekea ofisini kwake.

Nilipoingia ofisini kwake, Madam Bella aliinuka kutoka pale alipokuwa amekaa na kuja mwilini, akanikumbatia kwa hisia huku akinibusubusu sehemu mbalimbali za mwili wangu.

“Ndiyo nini ulichonifanya jana? Yaani nimekuja kuzinduka saa moja jioni, najikuta nimebaki peke yangu ofisini,” alisema huku akiachia tabasamu pana, akanibusu tena mdomoni, safari hii kwa hisia kali zaidi.

“Leo sitaki ufanye kazi yoyote, kajiandae kuna mahali nataka twende tukapumzike,” alisema huku akinitazama kwa macho yaliyokuwa yamebeba hisia nzito za kimapenzi, nikajua kazi ninayo maana ukweli ni kwamba sikuwa nimepumzika hata kidogo tangu jana yake.

Nilimkubalia, nikatoka kwa lengo la kurudi ofisini kwangu kuweka vitu sawa kwa sababu tayari ilishaonekana hakuna kazi itakayofanyika tena, ile natoka kumbe Salma alikuwa amenifuata ofisini kwangu na kunikosa, tukakutana kwenye korido.

“Zawadi yangu hujaipenda?”

‘Kwa nini unasema hivyo Salma jamani, nimeipenda na nimekutumia meseji kukushukuru.”

“Muongo, halafu hata kama hujaipenda, ndiyo uiache juu ya meza jamani, yaani unataka nani aione? Sawa nashukuru sana Ashrafu, ahsante sana,”alisema huku akianza kulengwalengwa na machozi, ghafla macho yake yakatua kwenye shingo yangu.

“Mh! Hii lipstiki imetoka wapi? Halafu mbona kama unanukia pafyumu ya...” kabla hata hajamalizia alichotaka kukisema, wote tulishtuka baada ya kusikia mlango wa bosi ukifunguliwa, macho yake yakatua moja kwa moja kwangu mimi na Salma aliyekuwa akiendelea kunikagua pale kwenye korido.

Madam Bella hakusema lolote zaidi ya kusimama, akawa anatutazama huku akionesha kushtuka sana kutokana na hali aliyotukuta maana Salma alikuwa amepeleka mkono wake shingoni kwangu kwa lengo la kunikagua ile aliyosema mwenyewe lipstiki, kwa hiyo mazingira yalionesha ni kama tulikuwa tumekumbatiana.





“Yaani badala ya kufanya kazi iliyowaleta mna kazi ya kukumbatiana kwenye korido! Hivi mna akili kweli nyie?”

“Hapana Madam, nilikuwa namsaidia kumfuta madoa ya lipstiki kwenye shati lake, hebu angalia mwenyewe,” alisema Salma kwa namna ya kujihami sana.

“Lipstiki? Sasa lipstiki kwenye shati lake wewe inakuhusu nini?”

“Nisamehe Madam!”

“Ile cheki niliyokupa umeshaipeleka uhasibu?”

“Hapana bosi, ndiyo nilikuwa na...”

“Salma! Kuwa makini, kama kilichokuleta ni kazi, fanya kazi. Na wewe Ashrafu, unatakiwa kuheshimu kazi ninayokupa, yaani mimi nakutuma kitu halafu badala ya kwenda kufanya nilichokwambia unaanza kufanya mambo yako mengine.”

“Nisamehe bosi,” nilisema huku nikijitahidi kuvaa uso ambao hautamfanya Salma ashtukie chochote. Kweli hilo lilifanikiwa, Madam Bella alitoa amri ya kila mmoja kuendelea na kazi zake, harakaharaka Salma akapita mbiombio na kuelekea uhasibu na mimi nikaondoka haraka kuelekea ofisini kwangu.

Sikukaa sana, niliweka kila kitu changu vizuri, nikatoka mpaka pale mapokezi, nikamdanganya Salma kwamba kuna kazi bosi amenituma nje ya ofisi kwa hiyo natoka, akanijibu kwa kutingisha tu kichwa akionesha kutokuwa na furaha.

Nadhani kitendo cha kufokewa na bosi mbele yangu kilimkasirisha sana, akawa hataki hata kunitazama. Aliitikia kwa kutingisha kichwa, nikateremka kwenye ngazi harakaharaka kwa lengo la kumfanya mtu yeyote asijue kwamba natoka na bosi.

Nilipofika chini nilimuuliza kama nimsubiri pale chini au la, akanijibu kwa meseji kwamba nipande Bajaj tutakutana Mnazi Mmoja.http://deusdeditmahunda.blogspot.com/

Kwa kuwa mfukoni nilikuwa na vihela kidogo, sikutaka kupoteza muda, nilikalia Bajaj na muda mfupi baadaye tayari nilikuwa Mnazi Mmoja, nikakaa kituoni kumsubiri bosi huku muda wote nikigeuka huku na kule kuangalia kama hakuna mtu yeyote aliyekuwa ananijua.

“Pipii! Pipiii,” honi iliyopigwa taratibu pembeni yangu ndiyo iliyonishtua kutoka kwenye mawazo ya hofu niliyokuwa nayo. Sijui kwa nini sikuwa nataka watu wajue kwamba natoka na Madam Bella, nilipogeuka nilikutana uso kwa uso na bosi akiwa kwenye gari lake la kifahari, Toyota Lexus, akashusha kioo na kunipa ishara kwamba na mimi niingie.

Niliingia na kukaa siti ya nyuma lakini akaniambia natakiwa kukaa naye mbele. Sikuwana namna, nilishuka na kufungua mlango wa mbele, nikaingia na kuufunga harakaharaka. Kwa bahati nzuri gari lake lilikuwa na vioo vya giza (tinted), nikawa na uhakika kwamba hakuna tena mtu ambaye angetuona.

Aliondoa gari taratibu, akawa anageuka na kunitazama akionesha kuwa na dukuduku ndani ya moyo wake, na mimi nikajikausha maana nilishajua kwamba kitendo cha kunikuta na Salma pale koridoni hakukifurahia kabisa.

“Unatoka na Salma si ndiyo?”

“Aah! Hapana bosi, umewahi kuniona au kuhisi chochote zaidi ya leo?”

“Kwa nini mlikuwa mmekumbatiana?”

“Hatukuwa tumekumbatiana, alikuwa ananishangaa kwa nini nina lipstiki kwenye nguo ndiyo na wewe ukatokea, si unaona alama za lipstiki yako hizi,” nilisema huku nikijitahidi kumgeuzia kibao, ionekane yeye ndiye aliyekosea kunibusu wakati anajua amepaka lipstiki inayoacha alama.

“Hebu tuone,” alisema huku akinigeukia, safari hii ule ‘usiriasi’ ukiwa umepungua, kweli kulikuwa na alama ya lipstiki kwenye shati langu, basi akacheka sana na kuendelea kuendesha gari, muziki laini ukawa unapiga ndani ya gari sambamba na kipupwe cha nguvu, nikawa najihisi kama nipo kwenye dunia nyingine.

“Kwani nyumbani kwako unaishi na nani?”

“Naishi peke yangu bosi.”

“Unajua nataka kupumzika maana jana nilichoka sana lakini sitaki kwenda hotelini, unajua watu tunaoheshimika kama sisi, ukionekana tu hotelini, hasa na mtu wa jinsia nyingine tofauti ni rahisi watu kukuhisi vibaya,” alisema bosi lakini moyoni nikawa sijauafiki kabisa uamuzi wake.

Hadhi ya bosi ilikuwa si ya kwenda naye Tandale hata kidogo, kama nilivyosema kuanzia mwanzo, japokuwa alikuwa mwanamke wa makamo, alikuwa na uzuri fulani hivi wa aina yake ambao huwezi kuuona kwa urahisi kwa wanawake wanaotokea familia za kawaida.

Nilijaribu kutoa visingizio vingi lakini bado alishikilia msimamo wake, akawa ananiambia kwamba nisimchukulie ‘kiivyo’ kwa sababu kabla ya kupata mafanikio aliyokuwa nayo, amewahi kuishi kwa msoto wa nguvu.

“Cha msingi tupate sehemu salama ya kupaki gari, mengine hayo wala usijali! Au hujafua mashuka nini?” alinitania, tukacheka kwa nguvu. Aliniambia kwamba anataka kabla hatujafika kwangu, tupitie kwanza sokoni kununua mahitaji yote muhimu kwa sababu anataka eti akanipikie chakula ambacho sijawahi kula sehemu yoyote.

Sikuwa na namna, nilikubali kila alichokuwa akikisema, tukapitia Manzese ambapo tulinunua mazagazaga kibao, tukaenda moja kwa moja mpaka Mtogole, nikamuelekeza sehemu nzuri ya kupaki gari ambapo hakuna kibaka anayeweza kuiba ‘saiti mira’ wala ‘pawa windo’.

Mimi ndiyo nilikuwa wa kwanza kuteremka kwenye gari, nikashuka na vifurushi vya mazagazaga kibao, basi bosi naye alipoteremka, watu karibu wote eneo hilo waliacha kila walichokuwa wakikifanya na kumtolea macho.

Kwa jinsi mwonekano wake ulivyokuwa, alikuwa kiumbe adimu kwenye mazingira kama hayo, basi tukakatiza vichochoro huku kila mtu akiendelea kutushangaa kwa sababu bado ilikuwa ni asubuhi na hatimaye tukawasili nyumbani.

Kwa bahati mbaya, wakati tunafika, mke wa mwenye nyumba ambaye tumezoea kumuita mama Ababuu, alikuwa akifua nguo zake uani, tena kiti chake akiwa amekiweka karibu kabisa na mlango wangu.

Siku zote nilikuwa namheshimu sana mama Ababuu na sikuwahi kumuonesha tabia zozote mbaya, nikaona kitendo cha mimi kuingia na Madam Bella ‘magetoni’, kingemfanya anione kama mtu wa ajabu sana kwa sababu kulikuwa na tofauti kubwa ya kimwonekano na kimwili kati yangu na Madam Bella.

Nilijikaza kiume, nikamsalimu na kufungua mlango huku Madam Bella akishangaa mazingira ya pale, nikamkaribisha ndani ambapo kama ilivyokuwa kwa Nancy, alipoingia tu, alinisifu kwamba chumba changu ni kizuri sana, basi nikamshukuru na kumkaribisha sana.

“Unanikaribishaje hivyo?” alisema huku akitanua mikono yake kama anayesema ‘njoo unikumbatie’. Basi na mimi nilifanya kama alivyotaka, nikaenda na kumkumbatia kwa nguvu, muda mfupi baadaye midomo yetu ilikuwa imegusana, hata sijui nini kilitokea, nilishtukia tu tayari tukiwa kwenye uwanja wa fundi seremala, mara mlango ukagongwa kwa nguvu.

“Ngo! Ngo! Ngooo!”





“Nani tena huyo jamanii,” alisema Madam Bella huku akionesha kukasirishwa sana na kitendo cha mtu huyo kugonga. Niliamka, nikajifunga taulo na kusogea mlangoni, nikafungua kidogo na kuchungulia nje.



“Hivi unajua kwamba ni zamu yako kununua umeme?”



“Ooh! Kumbe zamu yangu imeshafika? Ok, naomba basi nikupe pesa umuagize hata mtoto akanunue.”



“Mtoto gani? Hakuna mtu hapa nyumbani, kama unavyojua wakienda shuleni nabaki peke yangu, hebui nenda kanunue kwa sababu utakatika sasa hivi, tafadhali tusije tukagombana bure,” mama mwenye nyumba alisema huku akiwa ameshika kiuno.



Haikuwa kawaida yake kuzungumza na mimi kwa namna hii, siku zote tulikuwa tukihheshimiana na kama kuna jambo lolote, alikuwa akiniambia kwa ustaarabu lakini siku hiyo alikuwa amebadilika.



Nilibamiza mlango na kurudi ndani, huku nikiwa nimepanda na jazba. Kwa alichokisema, maana yake alikuwa anataka niache kila nilichokuwa nakifanya eti nikanunue umeme, ambao kwanza hata haukuwa umekatika.



Kama hiyo haitoshi, asubuhi hiyo wakati naondoka aliniona sana lakini hakuniambia chochote kwa hiyo kama nisingerudi ingekuwaje? Niliona kama ameamua kunifanyia visa kwa makusudi ili kuniharibia mambo yangu.



“Vipi tena baba’angu,” alisema Madam Bella huku akinishika mkono kwa upole na kunirudisha uwanjani, nikamweleza kilichotokea.



“Usijali, kwani shilingi ngapi?”



“Siyo kwamba hela sina, ninayo lakini asnataka eti nikanunue sasa hivi.”



“Mimi sijakuuliza kama hela unayo au huna jamani mume wangu, mbona unakuwa hivyo,” alisema Madam Bella kwa sauti fulani hivi tamu sana iliyokuwa inatokea kwenye matundu ya pua zake.



Nilipomjibu kwamba ni shilingi elfu tano, aliniambia nisijali, anazo pesa kwenye simu yake kwa hiyo tuendelee na yetu tukimaliza nitampa namba ya luku halafu atanunua. Maelezo yake kidogo yalinifariji na kunirudisha mchezoni.

http://deusdeditmahunda.blogspot.com/

Haukupita muda mrefu, kipyenga kilipulizwa kuashiria kuanza kwa mpambano wa kukata na shoka, Madam Bella akionesha kukamia sana kuibuka na ushindi wa mapema. Kama kawaida yangu, mpira ulipoanza nilimuacha kwanza atawale mchezo katika dakika za mwanzo.



Kama ilivyokuwa jana yake, Madam Bella alikuwa na pupa sana mchezoni, hata sijui alikuwa na matatizo gani. Alikuwa akicheza kwa kubutuabutua mpira, ilivyoonesha alichokuwa anakitaka ilikuwa ni ushindi wa mapema tu, moyoni nikawa najisemea kwamba hanijui vizuri.



Akiwa ameshaanza kujichokea kutokana na papara zake, nilianza kumuonesha maujuzi kama yale ya mesi, nikawa nakokota mpira kwenye ‘chaki’, nilianza kwa kasi ndogo lakini nikawa naongeza kasi kadiri muda unavyosonga mbele, akawa anapiga ukelele uliozidi kunipa hamasa ya kuendelea kuonesha uwezo.



Nilimpiga chenga dabodabo, nikampiga kanzu na kupiga danadana nyingi na baadaye nilianza kufumua mashuti ya nguvu, haikuchukua muda, akapiga kelele kwa nguvu na kunikaba kama wacheza mieleka, akadondoka pembeni huku akiwa anatetemeka kama amepigwa na shoti ya umeme! Nilikuwa nimemuweza kisawasawa.



“Ngo! Ngo! Ngo,” mlango uligongwa tena, safari hii kwa nguvu zaidi. Nikainuka pale nilipokuwa nakuchukua tena taulo langu lakini ilibidi nijifute kwanza maana kijasho chembamba kilikuwa kikinitoka, nikafungua mlango na kuchungulia.



“Ina maana nilichokwambia umeona hakina maana au? Kwa nini unakuwa na dharau kiasi hicho Ashrafu? Kwa nini unanidharau kiasi hiki? Au kwa kuwa mimi ni mwanamke,” alisema mama mwenye nyumba kwa sauti ya kutia huruma sana huku macho yake yakibadilika rangi na kuwa mekundu.



Sikuelewa kwa nini amekuwa na hali hiyo, nikashindwa hata nimjibu nini.



“Mimi sitaki kugombana na wewe, naomba ufanye nilichokwambia,” alisema huku akigeuka, akawa anatembea lakini mwendo wake haukuwa ule niliozoea kumuona, ulibadilika na hata nguo aliyokuwa ameivaa, kidogo ilinifanya nitatizike lakini nikahisi kwamba huenda ni kwa sababu alikuwa akifua.



Nilibaki nimeganda namtazama, akapiga hatua kadhaa na kugeuka, macho yangu na yake yakagongana, harakaharaka nikabamiza mlango maana nilijisikia aibu sana hasa ukizingatia jinsi nilivyokuwa namheshimu.



“Kwa nini ametembea vile huku akiwa amevaa khanga moja tu, halafu kwa nini alipofika mlangoni kwake akageuka? Ina maana alijua lazima nitamtazama? Lakini huyu mama mwenye nyumba mbona ananitafutia matatizo?” akili zangu zilikuwa zimehama, nikijiuliza maswali mengi yasiyo na majibu pale kitandani.



Madam Bella alikuwa akikoroma, hajiwezi kwa chochote. Kwa sababu mama mwenye nyumba alinisisitiza sana, na Madam Bella alikuwa amelala, niliona ni bora nitoke nje nikanunua umeme mara moja ili nisizidi kumkwaza mama mwenye nyumba.



Nilivaa pensi na singendi, nikachukua shilingi elfu tano kwenye akiba yangu na kutoka nje. Ilibidi nikamgongee mama mwenye nyumba kwa sababu sikuwa na namba ya luku.



“Pita ndani,” alisema, akionekana ni kama kuna kazi alikuwa akiifanya.



Sikuwa na mazoea ya kuingia ndani kwa mwenye nyumba wangu na nakumbuka mara ya mwisho niliingia nilipoenda kulipa kodi ya nyumba tu, kwa hiyo kitendo cha yeye kuniambia niingie kilikua ni zaidi ya mtihani kwangu.



“Ashrafu, ingia tu usiogope,” alisema, nikapiga moyo konde na kuingia. Alikuwa amekaa sebuleni, kwenye kochi la kulala akionesha kuwa na uchovu sana.



“Samahani mama, nilikuwa naomba namba ya luku nikanunue umeme,” nilisema kwa adabu huku nikikwepa sana macho yangu na yake yasigusane maana hata pale kwenye kochi penyewe, alikuwa amelala kihasara sana.



“Ingia hapo kwenye chumba cha watoto, angalia juu ya meza utaona karatasi tulilonunulia umeme mara ya mwisho,” alisema huku akinitazama kwa macho yaliyokuwa yamebeba ujumbe ambao ulikuwa mgumu sana kwangu kuuelewa.



Nilifuata maelekezo yake, nikaingia kwenye chumba cha watoto wake! Kimaisha mama mwenye nyumba na mumewe walikuwa wamejipanga sana kwa sababu hata hicho chumba cha watoto chenyewe kilikuwa si cha masihara, kulikuwa na kitanda kikubwa cha futi sita kwa sita na kabati la nguo pamoja na meza ya kujisomea.



Hiyo ilikuwa mara yangu ya kwanza kuingia kwenye chumba hicho, nikawa napepesa macho huku na kule nikishangaa mandhari badala ya kuangalia kilichonipeleka.



“Vipi umeona,” nilishtuka baada ya kusikia sauti ya mama mwenye nyumba, nyumba yangu. Kumbe alikuwa ameamua kunifuata kule chumbani, nilipogeuka, macho yangu na yake yaligongana, safari hii sikuwa na uwezo wa kumkwepa tena, tukawa tunatazama.



Licha ya umri wake kuwa mkubwa, mama mwenye nyumba alikuwa akipenda sana mambo ya ujana maana nyusi zake alikuwa amezitinda na kupaka wanja na kwa mbali alikuwa amepaka lipstiki fulani hivi kama zile wanazopenda wadada wengi wa mjini.



Muda mfupi nilipozungumza naye alipokuja kunigongea kwa mara ya kwanza, wala hakuwa amejipamba hivyo usoni, nikajikuta nimevutiwa kuendelea kumtazama.



“Kwani ulikuwa unamfanya nini yule mgeni wako? Mbona alikuwa anapiga sana kelele?” aliniuliza swali lililonifanya nijisikie sana aibu, nikiwa najiuliza nimjibu nini, nilishtukia akipeleka mkono wake ‘ikulu’, akamshika Ashrafu wangu na kushtuka kidogo, hata sijui nini kilimshtua.



Katika hali ambayo sikuitegemea, nilishtuka akipeleka kwenye kifundo cha ile khanga nyepesi aliyokuwa amejifunga, sijui alifanya nini bwana, ikadondoka chini nzimanzima, macho yangu yakatua kwenye kiota cha huba cha mama mwenye nyumba, japokuwa nilikuwa nimetoka kukimbia mbio ndefu, kitendo kile kilinifanya niwe kama mwendawazimu.



“Njoo hu...ku na...mi...mi alisema kwa sauti ya kukatakata, akanivuta kwa nguvu, tukadondokea kwenye kile kitanda cha watoto wake.







“Na mimi nataka!”

“Lakini... laki...ni,” nilijaribu kuleta upinzani kidogo lakini hata sijui nini kilitokea, nilishtukia tu tayari tupo ndani ya dimbwi la huba lenye kina kirefu, ili nisizame nililazimika kuanza kupiga mbizi, huwezi kuamini mama mwenye nyumba alianza kutoa miguno ya hapa na pale akionesha kuburudika mno.

Haikuwa hiyari yangu kufanya yale niliyokuwa nayafanya kwa sababu nilikuwa najua madhara ya kutoka na mke wa mtu lakini kama hiyo haitoshi, huyo hakuwa tu mke wa mtu bali kiumri pia alikuwa amenizidi sana, kiheshima alikuwa ni mama yangu mdogo kabisaa!

Yote tisa, kumi ni kwamba alikuwa ni mke wa mzee niliyekuwa namheshimu sana, ambaye ndiye aliyekuwa baba mwenye nyumba wangu. Sikuwahi kudhani ipo siku naweza kumkosea adabu mzee huyo kwa kumfanyia mchezo kama huo mkewe, lakini ndiyo hivyo, tayari nilikuwa kwenye mtego hatari.

Kiukweli licha ya ‘Ashrafu’ kuwa katika uimara wake, mnara ukisoma 4G, sikuwa nimerelax kwa kile kilichokuwa kikiendelea, nikawa najihisi kuwa na hatia kubwa ndani ya moyo wangu.

Licha ya hayo yote, mama mwenye nyumba yeye wala hakuwa na habari, alikuwa akiendelea kujisevia kwa nguvu zake zote huku miguno ya hapa na pale ikizidi kuongezeka kadiri muda ulivyokuwa ukizidi kuongezeka.http://deusdeditmahunda.blogspot.com/

‘Uchawi’ uliojificha kwenye kamchezo ka sanaa ya kikubwa, mnapocheza ligwaride halafu mwenzako akawa anatoa migumo, basi anakuwa ni kama anakuchochea!

Hivyo ndivyo ilivyotokea kwa mama mwenye nyumba, ukelele wake ulianza kubadilika na kuwa wimbo mtamu masikioni mwangu, nikajikuta na mimi nikianza kuvutiwa na mchezo japokuwa awali sikuwa nimeupenda.

Basi ikawa patashika nguo kuchanika, usingeweza kuamini kwamba mimi ndiye ambaye muda mfupi uliopita nilikuwa nikimtoa chozi la utamu Madam Bella aliyekuwa amepitiwa na usingizi, akikoroma chumbani kwangu baada ya shughuli pevu.

Kutokana na uchu aliokuwa nao mama mwenye nyumba, niliona kama tukiendelea anaweza kunimaliza nguvu zote halafu nikashindwa kumalizana na Madam Bella ambaye alikuwa ameniahidi kwamba siku hiyo atashinda na mimi, tupike na kupakua pamoja.

Niliamua kutumia silaha zangu za maangamizi, ni hapo ndipo nilipoukumbuka mtindo wa Kenge Mzee niliokuwa napenda sana kuutumia kwenye mechi ngumu kama hizo ili kupata ushindi wa haraka kwa sababu ilionesha mwenzangu alishanogewa na sasa alichokuwa akikifanya ni kuizungusha nyonga yake kama anayecheza ngoma ya Kimakonde huku akiendelea kutoa miguno ya hapa na pale, macho yake akiwa ameyafumba kabisa.

Nilimkatisha mama mwenye nyumba kile alichokuwa akikifanya, akawa mgumu kidogo kunielewa nilichokuwa nataka kukifanya, alihisi nataka kumharibia alichokuwa anakifanya, akaning’ang’ania kwa nguvu huku akilalama. Ilibidi nitumie nguvu, nikamuelekeza kwa vitendo nilichokuwa nataka akifanye, kweli akafanya, nikajiweka sawa na kuanza kutumia mtindo huo wa Kenge Mzee.

Miguno aliyoanza kuitoa safari hii ilikuwa ya tofauti na ya mwanzo maana alikuwa ni kama anataka kufumbua mdomo na muda huohuo anataka kuufumba, akawa ni kama anataka kupiga chafya na kuzungumza kwa wakati mmoja, kwa hiyo kilichokuwa kikisikika ilikuwa ni kelele za kama mtu anayetapatapa kwenye maji akitaka kukata roho.

Kiukweli hata mimi mwenyewe nilijua kwamba nimemuweza kwani alipaparika kwa dakika chache na muda mfupi baadaye akatangaza kuiona theluji iliyopo juu ya kilele cha Mlima Kilimanjaro, akapiga yowe kubwa kisha akawa anapaparika kama kuku aliyekatwa kichwa, akadondokea pembeni na kutulia kimya. Kutokana na mazingira hayo, nilifanya hima kuchomoka, nikapitia kwanza bafuni ambapo nilijiwagia maji kwa wingi maana nilikuwa nimelowa kwa jasho kama mbeba magunia wa sokoni Kariakoo.

Nikiwa bafuni, nilisikia mlango wa chumba changu ukifunguliwa, nikashtuka na kuchungulia kupitia uwazi uliopo dirishani, nikagundua kwamba alikuwa ni Madam Bella. Alikuwa amejifunga taulo langu, akatoka huku akipiga miayo na kuingia kwenye choo kingine kilichokuwa tupu.

Harakaharaka nilitoka na kurudi ndani, nikachukua taulo lingine lililokuwa kabatini, nikajifuta na kubadilisha nguo, zile nilizotoka nazo kwa mama mwenye nyumba nikaziweka kwenye tenga la nguo chafu, nikajipulizia manukato kwa mbali na kujilaza kwenye sofa huku feni ikinipepea kwa nguvu.

“Mume wangu, ulikuwa wapi,” Madam Bella aliniuliza baada ya kurejea kutoka maliwato na kunikuta nikiwa nimejilaza pale sebuleni, nikitazama runinga.

“Nilienda kununua umeme mke wangu,” nilimjibu na kumbusu mdomoni kwa lengo la kumpoteza maboya, naye akanibusu na kuniambia kwamba eti nimemvuruga sana mpaka anahisi mwili wote unauma utafikiri alikuwa akibeba mawe.

Tulicheka kwa pamoja, akaniuliza swali ambalo lilinishtua sana, aliniuliza kwamba niliponunua umeme nimempaje mama mwenye nyumba? Akili za haraka zikanituma kwamba lazima kuna kitu atakuwa amekishtukia lakini kwa kuwa nilikuwa fundi wa kucheza na akili za wanawake, nilijua namna ya ‘kumtengeneza’.

“Nimemtumia kwenye meseji maana nimefika hapo nagonga mlango naona kimya, nahisi anaweza kuwa ametoka.”

“Mh! Mama mwenye nyumba ndiyo yule tuliyemkuta akiwa anafua hapa?”

“Ndiyo huyohuyo!” nilimjibu Madam Bella huku nikiwa makini macho yangu na yake yasikutane kwani angeweza kugundua kitu kama angenitazama ndani ya macho yangu.

“Mbona mtu mzima lakini hajiheshimu?”

“Kwa nini unasema hivyo?”

“Yaani alikuwa na mumewe wanafanya yao, sasa anavyopiga kelele utasema kuna mtu anachinjwa huko ndani,” alisema Madam Bella huku akicheka, na mimi nikacheka sana huku nikiwa bado nakwepesha macho yangu.

Alichokuwa akikisema kilinifanya niogope sana ndani ya moyo wangu, nikawa nafikiria kama kweli alisikia, maana yake lazima kuna watu wengine wamesikia pia lakini baba mwenye nyumba hakuwepo nyumbani muda huo na kulikuwa na uwezekano kwamba atakuwa amesafiri maana alikuwa na kawaida ya kusafiri kwenda Mtwara alikokuwa akimiliki mashamba makubwa ya korosho.

Basi nilimzugazuga pale tukabadilisha mada, tukawa tunazungumza ya kwetu ambapo aliniambia kwamba eti hajawahi kukutana na mwanaume kama mimi maishani mwake, akaniambia eti anataka nimuoe niwe mumewe ili tuishi pamoja!

“Njaa inaniuma mke wangu, nipikie kwanza mumeo nile,” nilimwambia maana kiukweli sikuwa na malengo yoyote ya kuwa naye.http://deusdeditmahunda.blogspot.com/

Basi alinibusu na kuanza kuandaa chakula, akiwa ndani ya khanga moja tu! Kiukweli Madam Bella alikuwa kifaa cha nguvu haswaa, nikawa nayaburudisha macho yangu kwa kumfuatilia kila alipokuwa akiinuka na kutembea, akichukua kifaa hiki na kile kwa ajili ya mapishi.

Naye ni kama alijua kwamba namtazama maana alikuwa akijitingisha kwa makusudi, sijui nini kilitokea bwana, Ashrafu akachachamaa tena baada ya kuchoshwa na visa vya Madam Bella, japokuwa tayari alishabandika mboga kwenye jiko la gesi na alikuwa akikaribia kuanza kuziunga, nilimfuata na kumshika mkono, nikamkumbatia kimahaba na haukupita muda, tukawa tumegusanisha ndimi zetu, tukielea kwenye ulimwengu wa huba.

Hakutaka nipate tabu, alinipeleka mpaka kwenye uwanja wa fundi seremala, akapitisha mkono kwa hivi, ile khanga yake ikadondoka, akahamia kwangu na kuzitoa zote, kwa upole akamshika ‘Ashrafu’ na kumuonesha njia ya kupita.

“Ashrafu! Ashrafu! Hodi wenyewe...” mlango uligongwa, nikashtuka sana baada ya kuitambua sauti ya aliyekuwa akipiga hodi kuwa ni Nancy.









ITAENDELEA